Sadguru Shree Yoganand Swami – (સદ્ગુરુ શ્રી યોગાનંદ સ્વામી)
Gujarati
યોગાનંદ સ્વામીના નામે સમ્પ્રદાયના પાને એક કરતા વધારે સંતો નોંધાયા છે. એક યોગાનંદ સ્વામી સંસ્કૃત ભાષાના પ્રકાંડ પંડિત હતા અને તેઓ મોટા યોગાનંદ સ્વામીના નામે ઓળખાતા અને કાઠિઓના ગુરૂ કહેવાતા.
બીજા યોગાનંદ સ્વામી ગાનવિદ્યામાં કુશળ હતા. તેઓ ગદ્ગદ્ કંઠે ભાવિ વિભોર થઈને કોયલ કંઠે કીર્તન કાવેરી વહાવતા ત્યારે સ્વયં સંતપતિ શ્રીહરિ પણ તેમનાં ભાવાર્ણવમાં સ્નાન કરીને ધન્યતા અનુભવતા અને તેમને ભક્તિભાવનાને બિરદાવતા.
શ્રી યોગાનંદ સ્વામીએ શ્રીહરિના પ્રિય ગાયકોમાં આદર ભર્યુ સ્થાન પ્રાપ્ત કર્યુ હતુ એજ એમની ગાયન સાધનાની સિદ્ધિ હતી. આજે પણ ગૌરવ સાથે તેમને શ્રીજી સમકાલીન ગાયક સંતોની પંક્તિમાં પૂજવામા આવે છે. છતા “ઇદમિત્ત્થમ” કહિ શકાય તેવી કોઈ ચોક્કસ માહિતિ તેમના વિષેની મળતી નથી.
પણ મહાપૂજમાં ગાયક સંત તરીકે તેમની સ્થાપના અને પૂજન કરવામાં આવે છે એના પરથી એટલુ ચોક્કસ કહિ શકાય કે તેઓ એક સારા ગવૈયા સંત હતા. શ્રીહરિને પ્રસન્ન કરી ગવૈયા સંત તરીકે જીવન વ્યતિત કરનાર આ સંતના ચરણે વંદન….