Shree Nana Khachar – (શ્રી નાના ખાચર)
Gujarati
ભગવાન શ્રી સ્વામિનારાયણના આદેશને પોતાનું જીવનસૂત્ર બનાવીને જીવન વ્યતીત કરનારા અને કકાઠીઓમાં એક નાના ખાચરનું નામ ગૌરવ સાથે લેવાય છે.
નાના ખાચરની સેવા નાની પણ ભાવના અતિ ઊંચી હતી એટલે શ્રીહરિએ તેમને અતિ અગત્યની સેવા આપેલી. સેવામાં પણસ્વભાવાનુ રૂપ સેવા કરતા, સૌને આનંદ આવે પણ નાના ખાચરને તો શ્રીજીમહારાજની રૂચિપ્રમાણેની સેવા કરવામાં જ આનંદ આવતો. પરિણામે નાની-મોટી સેવાની એક પણ તક છોડવા તેઓ તૈયાર ન થતા.
સ્વભાવિક રીતે શ્રીહરિ જ્યાં બિરાજતા હોય ત્યાંના અગ્રણીઓને વધુને વધુ સેવાનો લાભ મળે તેથી ઘણા દિવસો સેવા, દર્શન વિનાના વ્યતિત કરવા પડે તે નાનાખાચરને મન મંજુર ન હતુ. તેથી તેમણે શ્રીહરિની અનુમતિ મેળવીને માણકી ઘોડીની સેવા મેળવેલી.જેથી નિત્ય શ્રીહરિનું સાનિધ્ય મળે.
શ્રીહરિ જ્યાં જ્યાં જાય ત્યાં બહુધા તેઓ સાથે જતા અને માણકી ઘોડીની પાણી, પાવડાં, બાજરો આપવો, લાંબી મજલ કરી હોય તો ગરમ પાણીથી પગ ધોવા વિગેરે તમામ સેવા એક કાઠી હોવા છતાં જાત, કુળનું અભિમાન છોડીને કરતા અને વળી પોતે અશ્વવિદ્યાના જાણકાર અને અનુભવી હતા એટલે માણકીની સેવાથી શ્રીહરિ અતિ પ્રસન્ન રહેતા. કાઠી હોવા છતાં પણ નિર્માની ભાવે શ્રીહરિની સેવા કરનાર, માણકીની સેવા કરનાર ભક્તરાજને કોટિ કોટિ વંદન…