ઓરા આવો શ્યામ સ્નેહી

n

ઓરા આવો શ્યામ સ્નેહી, સુંદરવર જોઉં વ્હાલા;nજતન કરીને જીવન મારા, જીવમાંહી પ્રોઉં વ્હાલા…૧nચિહ્ન અનુપમ અંગોઅંગનાં, સુરતે સંભારું વ્હાલા;nનખશિખ નીરખી નૌતમ મારાં, ઉરમાં ઉતારૂં વ્હાલા…૨nઅરુણકમળસમ જુગલ ચરણની, શોભા અતિ સારી વ્હાલા;nચિંતવન કરવા આતુર અતિ, મનવૃત્તિ મારી વ્હાલા…૩nપ્રથમ તે ચિંતવન કરું, સુંદર સોળે ચિન્હ વ્હાલા;nઉર્ધ્વરેખા ઓપી રહી, અતિશે નવીન વ્હાલા…૪nઅંગૂઠા આંગળી વચ્ચેથી, નીસરીને આવી વ્હાલા;nપાનીની બે કોરે જોતાં, ભક્તને મન ભાવી વ્હાલા…૫nજુગલચરણમાં કહું મનોહર, ચિન્હ તેનાં નામ વ્હાલા;nશુદ્ધ મને કરી સંભારતાં, નાશ પામે કામ વ્હાલા…૬nઅષ્ટકોણ ને ઉર્ધ્વરેખા, સ્વસ્તિક જાંબુ જવ વ્હાલા;nવજ્ર અંકુશ કેતુ ને પદ્મ, જમણે પગે નવ વ્હાલા…૭nત્રિકોણ કળશ ને ગોપદ સુંદર, ધનુષ ને મીન વ્હાલા;nઅર્ધચંદ્ર ને વ્યોમ સાત છે, ડાબે પગે ચિહ્ન વ્હાલા…૮nજમણા પગના અંગૂઠાના, નખમાંહી ચિહ્ન વ્હાલા;nતે તો નીરખે જે કોઈ ભક્ત; પ્રીતિએ પ્રવીણ વ્હાલા…૯nએ જ અંગૂઠાની પાસે, તિલ એક નૌતમ ધારું વ્હાલા;nપ્રેમાનંદ કહે નીરખું પ્રીતે, પ્રાણ લઈ વારૂં વ્હાલા…૧૦